Skemmtileg og fræðandi námskeið þar sem þú lærir enn betur á unga hundinn þinn.  Farið er yfir þroskastig hundsins, hvernig hann lærir, líkamstjáningu og allt um daglega umgengni.  Kennt að ganga í bandi og aðrar hegðanir.  Námskeiðið er bæði verklegt og bóklegt.

Hvert námskeið er einu sinni í viku alls 8 skipti.  Verð er 20.000 kr.

Aðeins 4-5 hundar í hverjum hóp.

Allar nánari upplýsingar og skráning á inga@hundar.is

Inga Robertsdóttir, hundakennari
PDTE nr. 14

Ný námskeið fyrir hunda sem draga í bandið þegar þeir eru úti í göngutúr.  Þetta námskeið er miðað við hunda sem eru orðnir eldri en eins árs.

Á námskeiðinu er kennt með margreyndum og skemmtilegum aðferðum þannig að bæði hundur og maður hafi gaman af.  Mikil verkleg þjálfun sem fram fer í göngutúrum með hópnum.  Farið verður yfir hvers vegna hundar draga í bandið og hvað sé hægt að gera til að hægt sé að upplifa skemmtilegan göngutúr með hundinum. 

Frábærar aðferðir sem virka, jafnvel fyrir hunda sem hafa margra ára þjálfun í að draga eigendur sína út um allt.

Hvert námskeið er einu sinni í viku alls 4-5 skipti.   Verð er 10.000 kr.

Fáir hundar í hverjum hóp.

Allar nánari upplýsingar og skráning á inga@hundar.is

Inga Robertsdóttir, hundakennari
PDTE nr. 14

1998-1999
Hagan Hundeskole.  Lærði hundaþjálfun hjá Turid Rugaas í Noregi Námið samanstóð af 150 tímum, bæði verklegum og bóklegum. Mikil áhersla á hegðunarvandamál og hvernig skal vinna með þau. 

1999
Aðstoðarkennari á sumarnámskeiði í úrlausn hegðunarvandamála hjá hundum / Problemsolving strategies hjá Turid Rugaas. Partur af námskeiðinu fjallaði um blómadropa sem aðstoð við hunda með hegðunarvandamál, kennari Lene Hutters.

Helgarnámskeið hjá DogAID (Hundar sem aðstoða fatlaða). Kennari Dolores Palmer.

Stofnaði Hundaskólann Gagn og Gaman. Hefur aðallega haldið hvolpa- og unghundanámskeið. Einnig verið með einkatíma og ráðgjöf fyrir þá sem þurfa á því að halda.

2000
Helgarnámskeið hjá Alan Bauman, formaður APDT á vegum Norsk Hundetrener Forening.

Spornámskeið hjá Anne Lill Kvam/ Troll hundeskole í Noregi. Anne Lill  er með margra ára reynslu í þjálfun leitarhunda og vann í 2 ár í Angóla við að þjálfa hunda til að finna jarðsprengjur. 

2001
Árleg ráðstefna með Pet Dog Trainers of Europe. Aðstoðarkennari á sumarnámskeið í úrlausn hegðunarvandamála hjá hundum / Problemsolving strategies hjá Turid Rugaas og Scallywags.

Klikkernámskeið hjá endurmenntunarstofnun Háskóla Íslands, kennari Guðrún Adda Ragnarsdóttir.

2002
Var gestgjafi fyrir árlega ráðstefnu fyrir Pet Dog Trainers of Europe með dyggri aðstoð frá Fanney Dagmar Baldursdóttur.

Var í febrúar 1999 ættleidd af Comkitty’s Charlie Chaplin, 5 ára Flat-coated Retriever. Hann kom með mér frá Noregi til Íslands. Charlie var minn besti kennari þar sem hann átti við ýmis vandamál að stríða þegar hann kom til mín – honum var illa við karlmenn, börn og aðra karlhunda. Með þolinmæði, þolinmæði, þolinmæði og því sem ég hafði lært hjá Turid unnum við sameiginlega á öllum þessum vandamálum. Hann var alltaf til í að vera tilraunadýr í öllum mínum lærdómi.


Engillinn minn dó rétt að verða 8 ára gamall 16.08.2002. Hann var sá mesti prakkari og húmoristi sem ég hef nokkurn tíman haft þann heiður af að kynnast – ALLTAF glaður.








Máni 5 ára írskur setter/labrador bjargaði mér síðan í febrúar 2003. Við erum enn að vinna í hans málum og það er gaman að sjá hann breytast dag frá degi. Hann ætlar að verða eld gamall gaur.

Ekki er leyfilegt að afrita af vefnum nema með leyfi höfunda.
Allar myndir sem hér eru birtar eru í einkaeigu, nema annað sé tekið fram.